Rimaywan ruraywan hanpiy

Imaynatas ukhunchismanta onqoyta orqokun nisqamanta

  • Vicente Torres Lezama Universidad Nacional de San Antonio Abad del Cusco
Palabras clave: hanpiy, paqo, Qosqo, Pachamama, Apu, uywanakuy

Resumen

Kay qhelqapiqa reqsirichisaq imaynatas ukhunchismanta onqoyta orqokun rimaywan, ruwaywan, qollotawan, kisawan chayta. Warmi hanpiq kinsakama ruwaspa onqoq mamitata hanpin kay soq´a wayraq waqtasqanta. Chaninniyoq hanpiy kananpaqqa t´inkinmi rimayta, ruwaywan, chaymantaqmi yanapachikun qollotawan, kisawan. Sapankankupas kaykunaqa kallpayuqmi kanku, chaymi onqoytapas phawayllata orqonku. Kay hanpiytaqa qatiparani 2018 nisqa watapi, Qosqo llaqta ukhupi, chaymi hanpiqtawan, onqoqtawan tapuspa yachani astawan kay hanpiymanta. Kay qhelqaqa kinsa t´aqapin rakikun: ñaupaq t´aqapin rimani apukunamanta, pachamamamanta, hukkunamantapas, imaynatas uywanakuspa kausay apakusqanmanta; qhepa t´aqapitaqmi rimani hanpiymanta, imaynatas anchata rimaspa, ruwaspa ima runa qhaliyachiymanta; tukunitaqmi huk mat´ipaywan. 

Publicado
2021-06-30
Cómo citar
Torres Lezama, V. (2021). Rimaywan ruraywan hanpiy. Revista De Pensamiento Crítico Aymara, 2(2), 5-15. Recuperado a partir de https://pensamientocriticoaymara.com/index.php/rpca/article/view/30